STAFRÆNN HRAÐALL

Í dag er varla til sú skipulagsheild sem ekki beitir stafrænni tækni í einhverjum mæli til að liðsinna starfsmönnum við þeirra störf. En þó að þær tæknilausnir sem skipulagsheildin notar séu mjög góðar og skili því sem til er ætlast, þá ná þær oft ekki að uppfylla allar þarfir einstakra starfsmanna.

 

Stjórnendur og aðrir starfsmenn sem þurfa að halda utan um marga þætti í mörgum ólíkum kerfum, og/eða er undir miklu og stöðugu álagi, þurfa oft sjálfir að búa til sitt eigið verklag með sínum eigin stafrænu lausnum. Þeir hafa hinsvegar engan tíma aflögu til að eyða í rannsóknir og prófanir til að finna réttu lausnirnar.

​

Stafrænn hraðall þjónustuveitunnar

Á stafrænum hraðli Þjónustuveitunnar koma saman 6-8 þátttakendur sem starfa á sama sviði og hafa áhuga á að innleiða stafræna tækni í sína starfshætti og starfsemi.

​

Ekki er krafist mikillar tæknikunnáttu en til að geta tekið virkan þátt í vinnustofum er nauðsynlegt að þátttakendur hafi lágmarks læsi á sitt eigið tölvuumhverfi og einhverja reynslu af því að vinna með sína eigin tölvu og/eða snjalltæki.

​

Þátttakendur mæta jafnframt á vinnustofurnar með þau tæki sem þeir nota helst í sínum faglegu störfum; snjallsíma, spjaldtölvur og/eða fartölvur.

​

Til að allir þátttakendur njóti góðs af hraðlinum, er nauðsynlegt að hver og einn þátttakandi skuldbindi sig til að:​

• Mæta á fyrstu tvær vinnustofurnar.

• Prófa eitt stafrænt verkfæri í sínu faglega umhverfi í eina viku.

• Flytja stutta kynningu á niðurstöðum prófana og svara spurningum.

​

Þátttakendur eru hvattir til að velja sér minnst eina stafræna lausn til að vinna með næsta mánuðinn, og þá jafnframt að mæta á þriðju og síðustu vinnustofuna til að deila upplifun sinni með öðrum þátttakendum.

​

Þátttakendur í þróunar- og kynningarhröðlum skuldbinda sig jafnframt til að skila umsögn um upplifun sína að hraðlinum loknum.

​