Fyrir veitingastaði, kaffihús, bakarí og aðra starfsemi þar sem matur er seldur óforpakkaður til neytenda.
Skv. reglugerð nr. 1294/2014 um miðlun upplýsinga um matvæli til neytenda, ber söluaðilum með óforpökkuð matvæli að upplýsa viðskiptavini sína um ofnæmis- og óþolsvalda í réttum sínum, sé þess óskað. Upplýsingamiðlunin má fara fram munnlega eða skriflega.
Ef hún fer fram munnlega, þarf söluaðili jafnframt að upplýsa viðskiptavini um að hægt sé að óska eftir þessum upplýsingum, með skilti á áberandi stað.
Gerið starfsfólki kleift að veita umbeðnar upplýsingar af öryggi og með bros á vör, jafnvel á háannatíma, með því að forskrá upplýsingar um ofnæmis- og óþolsvalda á einfalt eyðublað.
Skilvirkasta leiðin fyrir söluaðila til að veita slíkarupplýsingar á öruggan hátt, er að halda tæmandi skrá yfir öll innihaldsefni í öllum réttum á matseðli.
Þetta skjalasett inniheldur veggspjald, eyðublað og innihaldsskrá, á íslensku og ensku.
